Intin Wandered Where?: Day 3 - Braving the Scorching Heat of Macau

Redundant, di ba? Scorching na, Heat pa. Hehehe

We woke an hour late from the schedule we agreed on the previous night. Nakakapagod ang Disneyland tapos humirit pa kami ng night market. Lupit sa energy di ba? Hehehehe. Ok lang. Last stop naman ang Macau and we have less than fourty eight hours for that. Nag-almusal ulit kami sa room, did our morning rituals before we leave. Nagtingin ako sa palabas sa TV, wala na si gwapong Korean actor. As per Chit, his name is Dennis Oh. Kaya pala napa-oh ako. LOL!!!!!

Nagcheck-out na kami sa hotel. Buti na lang, wala nang problema with Elle. Hehehe. Actually, wala din sya sa front desk nung umalis kami. Some guys lang ang andun. Tahimik magsisalita. Kailangan ilapit ko pa tenga ko para marinig sinasabi.

Our next stop would be Macau. From Yau Ma Tei MTR station, we traveled to Sheung Wan where the Turbojet ferry terminal is located. Travel time would be a little over an hour. Medyo bitin pa ako siguro sa breakfast kaya bukod sa malakas na alon, gutom siguro dahilan kaya medyo nahilo ako. Good thing, hindi ako nasuka. Ayaw na ayaw kong masuka. Nahihiya ako.

grabe, ang init!

on the way to the boarding area for Macau

Turbojet... =P

Nakakuha kami ni Shirley ng saglit na tulog so paggising namin, ilang kurap na lang e, Macau na. When we got there, ang haba na naman ng pila sa immigrations. Kung madami dun sa palabas kami ng HK, mas marami sa Macau. Pagkalagpas namin sa mga gwardya, bumaba na kami to get maps and talk about our strategy. Naaliw ako. Ang dami kong nakitang free shuttle buses ng mga casino hotels. Buhay na buhay ang pamamasyal namin nito, hehehe.

aliw talaga ito. nabuhay kami sa libreng sakay sa pamamasyal.. hehehe

But since pasado ala-una na, we decided to go straight to the hotel for check-in, drop our bags, take our lunch and go, go, go.

Medyo apprehensive kami sa kinuha naming hotel - Hotel Central. According to the reviews in the internet, luma na daw ito at medyo hindi kagandahan. Nung unang panahon, ito daw ang pinakamataas na building sa Macau. Mejo nag-alangan kami pero peak season so sinuwerte na din kami na nakakuha ng mura. Anyway, overnight stay lang naman. May malapagan lang ng gamit at matulugan saglit sa gabi, okay na.

yung green building... yun ang Hotel Central

Leal Senado kaagad.. lapit lang di ba? Hehehehe

We took bus #3 from the ferry terminal. Saktong MOP2.50 ang pamasahe, hindi nagsusukli kasi ihuhulog yung barya sa coin box sa tabi ng driver. And then larga na. Nanibago ako sa Macau. The last time na andun ako, wala pang mga malalaking hotel. Ang Hotel Lisboa, mukha pang nag-iisang cake noon pero ngayon, may katabi na syang malaking pinya, ang Grand Lisboa. Kunsabagay, seven years ago pa ang dati kong punta. So talagang madaming pagbabago. Sayang nga din. Sana pala napaaga kami para natyempuhan ko ang NBA. Nakita ko sana si LeBron. Cool!

Pagdating namin sa hotel, bungad pa lang, amoy luma na. Kabado na ako. Nahihiya lang ako magsabi kay budz. Ayokong idamay siya sa feeling ng panghihinayang. Gusto kong ma-enjoy ng kaibigan ko ang Macau. Unlike sa Dorsett Seaview sa HK, palangiti ang matandang babae sa reception. Binigay lang ni Shirley yung print-out ng confirmed booking namin and then okay na. Binigay na ang susi. Medyo naloka kami sa elevator. Nakakatakot. Para kang nasa horror movie tapos may nakatayo sa likod mo na mahabang buhok na nakaputi. Ganun ang naging takbo ng imagination ko, haha.

Paglabas ng elevator sa sixth floor, medyo madilim ang pasilyo. Pang-scary movie ang drama namin! Galing! Kung susumahin ang trip namin, iba-ibang genre ang sinakop namin. LOL!!! Comedy, action, adventure, uh romance (huwag nang humirit. Hanggang ngayon naiimagine ko pa rin si Prince Caspian, si jersey #12 at ang mga gwapitong pulis ng HK. LOL!!) at heto nga, horror. Pagdating sa room, okay naman. Luma talaga siya eh. Pero tolerable. Siguro sobrang nag-expect kami ng worst kaya pagdating namin sa room, medyo na-relieved kami. Daig pa ng Central ang Dorsett. Cable TV! May HBO, AXN, Star Movies, etc. Wala lang CNN. Kalaban talaga ng China ang favorite news channel ko, hehehe. Tsk. Tsk. Tsk. After ng konting pahinga at pag-uusap ng strategy sa paglalakwatsa, go na ulit kami.

Mas konti tao sa Macau kesa HK. Medyo tame ito kesa HK pagdating sa dami ng turista. Kaso kasagsagan ng Olympics eh. Ang daming tao talagang pupunta. Kumain muna kami sa isang Chinese eatery sa tabi mismo ng Leal Senado, or San Ma Lo as it is commonly called. As usual, mejo nakatingin yung ibang Chinese pagpasok namin. Hehehe. Kami lang foreigners pala sa kainan nila. Adventure kaya kumain ng Chinese food. Nakakabusog pagkain nila. Nakalimutan naming ang laki ng serving. Dapat magshe-share kami ni Shirley para mas tipid.

After eating late lunch, pinasyal na namin ang San Ma Lo. Madaming establishment dito. Pero ipinagliban muna namin ang pamimili kasi magandang mamasyal muna. May bukas pa naman eh.

madali lang malaman ang pupuntahan mo kasi may mga ganitong signage..

ang daming bumibili ng tapa! ang pinakamabenta is yung Koi Kei kasi may presyo at english translation kung anong klaseng tapa ang tinitinda nila.

Napadpad kami sa bandang gilid, yung St. Dominic Church. Pinoy ang guard sa museo. After nun, naglakad na kami sa bandang likuran papuntang St. Paul Ruins. Ang daming tao. Ang ingay. Dumaan kami sa 'tapahan' street. Hilera ang tinda ng tapa dito. May Macanese delicacies din. Pwede pang mag-free taste. Dala ka lang ng tubig, busog ka na. Hehehe. Cool di ba?

ganda noh?

di pahuhuli si Nick.. LOL!

Sa wakas, narating na namin ang famous ruins of St. Paul church. Nasira ito dahil sa sunog. Pinanatili na lang ng government ng Macau ang natitirang facade kaya naging maayos pa ito. Ang galing nga eh, kasi nagagawa nilang i-preserve ang ganitong bagay. Ang amazing sa tourist spot na ito is yung dramatic location ng facade, may mataas at malawak na steps sa harap nya. Tapos kapag haharap ka sa church, you will see nothing beyond it but clear skies. You would wonder how does it looked like nung buo pa ang church. Maganda kaya siya sa loob? Ano kaya itsura ng tiles sa floor? Elaborate kaya ang designs sa altar? Fascinating di ba?

After looking at the ruins and the mini-museum behind it, we went to Macau Museum. Nasa gilid lang siya. For MOP15, nakapasok ka na sa interactive museum that depicts the history of Macau and the way of life ng mga taong naninirahan dito. Madaming Pinoy na guards sa loob. Nakakatuwa kasi nambabati talaga sila. And it's nice to see kababayans in a foreign country.

pababa na kami from Macau Museum... balak pa yatang dumiga ni Nick sa mga intsik. Babaero!!! LOL!

per bus numbers, nakalagay yung madadaanan or routes nila. madali lang malaman kung anong sasakyan mo. Galing noh? sana ganyan din dito, para organized. At hindi nag-aagawan ang mga bus. Yun nga lang, sangkatutak ang bus companies dito, unlike doon.

After exploring the museum and doing some photoshoot, hehehe, umalis na kami. We went to A-Ma Temple pero wala palang makikita doon. Ang magandang nangyari naman sa amin, naintindihan namin ang sistema ng buses nila.

nagpa-picture muna si Nick bago kami umalis. LOL

walang nasa loob ng waiting shed kasi mas mainit sa waiting shed kesa sa labas.. baligtad. LOL!

Papunta kami sana ng Macau Tower pero ang hirap maghintay ng bus 21 dito na dadaan doon so bumalik na lang kami sa Lisboa. From there, we took a bus sa Wynn Hotel papuntang Venetian. Mali pa ang nasakyan namin kasi papuntang boarder gate. Sa Sands Casino pala may masasakyan. Ok lang. Nakapag-joyride kami at naipahinga namin ang mga paa namin kahit saglit. From the boarder gate, nagfree shuttle ulit kami going to Venetian. Meron na silang available shuttle doon.

madaming sumasamantala sa free shuttle na ito ng Wynn Macau.. malaking tipid din naman kasi eh.

dito ako nag-stay noon. 12th floor. May mga multo dyan, hehehe.

nasa Venetian Hotel na kami. Daming Pinoy dito, lalo na sa duty free.
Pagdating namin sa Venetian, hinanap agad namin ang Grand Canal. Excited. Gusto ko nang ma-experience being in Italy. Naks! I was thinking na since may water ito, sa ground floor lang. But no, I was wrong! LOL!!! Nasa second floor siya. Ang ganda. Ang sarap magdala ng boyfriend dito tapos sakay kami ng gondola. Yiiii!!!

kulang na lang kumanta ako sa posing na ito, di ba? LOL!

hanep sa kisame!

Siyanga pala, nanalo kami sa gambling kaya nakarating kami dito sa Venice... excuse me. LOL!!!

ang tinis ng boses ng babaeng yan! authentic Italian ang kinukuha nila for the job, para feel! taray noh?

Dito na rin kami kumain ng dinner. Nagshare na kami ni Shirley sa gastos, hehehe. Minsan lang namang mag-dinner sa Venetian. Dun nga lang sa food court.

foodcourt.. feeling Italy pa rin. hehehe

After dinner, umalis na kami. Manonood pa kami ng fountain show at yung paglabas ng Tree of Prosperity sa Wynn Hotel. So sa labas, may shuttle bus na papuntang Sands Casino. Naisipan naming dumaan pa pala muna ng Fisherman's Wharf kahit gabi na. Sayang din ang kodak moments. Hehehehe. Tinawid lang namin ang destinasyon namin from Sands. Dinaanan na lang ng bus ang Macau Tower. We're supposed to go here kaso hindi naman kami magba-bungee or whatever. Hindi rin kami kakain dito kasi mahal, so ok nang nasilayan namin. Pagdating sa Fisherman's Wharf, nag-umpisa na kami ng photoshoot. Pati si Nick, humirit...

nauna kaagad si Nick. Adik din.

hindi rin kami pahuhuli.

wala na kaming magawa.. pati anino namin, kinuhanan namin ng picture. LOL

sarado na ang Olympics Shop!!! Waahhhhh!!!

After nito, naglakad na kami papuntang ferry terminal, para naman sumakay ng another free shuttle bus papuntang Wynn Hotel. Manonood na kami ng fountain show at yung sa Tree of Prosperity. Konting minuto lang ang hinintay namin. Sumulpot na parang kabute ang fountain.. Galing! Kinunan ko ng video. Upload ko na lang soon. Ang laki eh. Hehehe

before the fountain show ... napaka-colorful! LOL

tubig shot.. hehehe

After the show, mejo alanganin kaming pumasok sa loob ng hotel. Nakaka-intimidate. Pero pinalakas ni Shirley loob ko. Parang nakakahiya kasi. Di naman kami guests dun tapos pasok-pasok kami, hehehe. Eh, ang dami din palang turista. Tapos yung isang Pinay na nagtatrabaho dun, sabi nya 1030H pa daw yung next show. Dumating kasi kami katatapos lang. So naghintay na lang kami... Of course, kodak moments ulit..

si Nick daw muna...

... tapos kami. hehehe

bubukas ito mamaya

... tapos dito lalabas ang puno

Nung nag-umpisa yung show, parang bigla na lang may sisilab na cosmic energy. Check nyo pictures. Hindi ko maintindihan ang concept bakit ganun,,, tapos mahahawi yung malaking projector na yun at lalabas ang isang dambuhalang chandelier. Sa ibaba naman, lalabas yung Tree of Prosperity na sabi nila is made of pure gold. Sabi din, concept daw ito ni Steve Wynn, ang may-ari ng hotel. Cool noh? May video ako ng first few minutes kaso pinagbawalan na ako ng guard, which is --- Pinoy. Hehehe.